長線投資

 頭兩年接觸股票時，最常犯既毛病係短炒變長揸，或者升少少就忍唔到沽清。後來慢慢了解到價值投資既真正意義，「長時間投資=/=長線投資」。

 美股由二月中到三月尾既一次大回調，令市場產生極大恐慌。自己既情緒都受到影響，為咗消除雜音，同時都相信自己持有既係價值投資，所以幾乎無任何操作。

究竟四月會回升？還是繼續跌，無人知。只好繼續儲錢加貨，等五年後收成。

 點解中國發展十年如一日？點解西方有星巴克，中國得瑞幸？個人方面，投資係買夢想，所以一定唔會買中概。

Think different, do different.「如果不能做得更好，就做得不同」

第一個猶太人來到小鎮上開了個加油站，生意很旺。

第二個猶太人來了，發現加油站生意很不錯，想到加油站的客戶需要吃飯，所以投資開了個餐館。

第三個猶太人來了，想到來小鎮的人多了需要住宿，於是開了個酒店。

第四個猶太人又發現住店的人需要生活用品，於是開了超市。

第五個，第六個……來的人越來越多，吃飯住宿旅遊經商的人又需要加油，於是加油站、餐館、飯店、超市的生意相繼更旺了，逐步小鎮就成了一個經濟繁榮的小鎮，很多猶太人都富裕了。

第一個中國人來到小鎮上開了個加油站，生意很旺。

第二個中國人來了，發現第一個人投資的加油站生意真令人羨慕，趕緊開了第二個加油站。

第三個中國人又來了，看見前面2個同胞的加油站生意很好妒嫉得眼紅，火速開了第三個加油站。

第四，第五個同胞過來都是一樣，開加油站還打折促銷……最後惡性競爭，然後紛紛倒閉，小鎮又回到原點……

 四年前替自己定下各個目標，有長期、短期、感情、工作、投資。感情上一敗途地，過住地獄般既生活一段好長既時間，近乎零社交、零娛樂，工作總算有起色可以沾上管理層的邊邊，投資上原以為不可能達到的目標竟然可以提早完成✅。

是時候重新審視各個目標以及規劃下一步，但願真係可以係四十歲前有能力移民台灣。加油。

 講得好。

大調整，係一次好好既機會比自己去訓練個心態。面對輸，係必學既一堂，因為無人可以長勝。

係GME引發既大波動入邊，襯機rebalancing，沽出大部分投機股，轉為加倉tsm & tesla。

 廿七歲先開始學投資，一開始都有跟呢個「供成」財演既心得去買，月供三寶港鐵、煤氣、領展，同埋當初當炒既700以及一堆中概股。由於天生對數字唔敏感，技術指標一概唔識，係港股市場都係做別人既養份。

直至2019年既社運，徹底改變咗自己個諗法，慢慢將港股售出，開始睇下美股。2020年9月某一日不問價地將全數港股沽清，正式買入美股，第一隻買入應該就係tesla。轉投美股之後，先真正感受到世界有幾大，呢個市場唔剩係得地產同炒賣，原來係有各種改變緊世界既企業，投資美股就正正係望住一間又一間既apple出現。

近日關注緊同交通有關既各類股票，歡迎交流。

當然，仲買中概股既就byebye。

 唔駛錢既野永遠最貴。貴唔係在於價錢，而係背後既價值。

就好似中概野，默默係背後剝削你選擇既自由。

#條路自己揀

 ISRG

一個消息出，即刻暴跌，未來一年都預咗挨價。

對於呢啲技術門檻極高、難以取代既市場，長渣幾年係唔會有咩心理壓力。

倉中頭三愛股

一邊話撐港人，一邊入淘寶貨轉賣。

一邊話對抗極權，一邊炒中概股。賺錢好簡單，騰訊 蔚來 阿里巴巴 小鵬 理想 facebook 小米 Jks 百度 陸金所......一大堆比你跟，亂買都賺。

呢啲係選擇，我就死都唔買，恥與為伍。我買既都係相信佢對世界有貢獻既企業，而唔係毒瘤。

 2020年年度回顧：

1. 狠心將三年的港股全部售出，不旦輸了時間值，也虧了約三萬元。

2. 硬頸的性格，與金錢作對，拒絕一切中概股。$110左右購入迪士尼，睇好串流服務，但「花木蘭」一事令自己對迪士尼心淡，於是$130時便沽清，現價$180。睇好太陽能，$30左右購入CSIQ，後來發現背後老闆係中資，$40元沽清，現價$50。

3. 對於創新但無盈利公司，仍持樂觀態度。HYLN由高位下跌超過50%，待機會繼續增持。

4. 人生第一隻倍升股。EXPI，當時信心不足，只係水溫注，但已滿足。

5. 繼續追趕定下既目標，暫時2020目標完成。

 Apple vs Tesla

兩間最值得期待既公司，睇唔到有咩理由放棄其中一間。EM既Tesla就好似SJ時期既apple咁，代表既係創新，一種顛覆世界既力量，背後既價值係估計唔到的，正如當初SJ都估唔到iPhone 3GS可以咁好賣，產能遠遠追不上需求一樣，結果成就出Apple王國。

而TC之下既Apple，係一種遠見，產品明顯係無曬創新架喇，但佢就好明消費者需要啲咩，可以將一啲市場已有既野包裝成為你需要既野，然後擴大個市場，產生穩定既收入。

長線持有呢兩間公司，都可以算係一種平衡。既有無盡既可能性，亦有穩定既backup。