投資與運動

投資世界好大，只要係合理回報，任何人都可以揀一個自己舒服既方法。

好似運動，田徑為例：有人短跑，有人長跑，有人跨欄，我地無需要求短跑既人動軌跑上一兩小時，亦都無必要要求長跑既人練爆發力，亦唔需要跨高隻腳。可能跨欄同短跑有啲似，都係講求極限速度，但明顯都係不盡相同，你叫全盛時期既劉翔去跑100米可能都只係普通表現。投資何嘗唔係？有人鍾意技術分析，基本面對佢地來講無咩意義；有人鍾意價值投資，分析公司財務狀況，短線股價上落對佢地來講唔太重要。投資好緊要既一點係要知道自己適合邊一條路，搵到自己適合既方法，堅持去做，相信總會有成果的。相反，跌時就長揸呃自己價值投資，升少少就急急放驚佢跌返落去，結果只會左一巴右一巴。

今年局面極不穏，波幅都大咗好多，比以往兩年難好多。希望各位都可以挨過黎明前至撚黑暗既時刻，香港人加油。

2021回顧 年尾大虧損

襯這幾天休息回顧一下今年的投資：

接觸期權

一開始時只做short put 及short call，下半年開始買入leap call，當中有賺有蝕。工具本身並無對錯，最重要的還是選股本身，選到一隻好股票，利用期權這工具可以倍大化收益，相反選錯股的話虧損可以很驚人。切記，切勿試圖用期權去賭一啲自己本身不打算持有的股票，結果只會是贏粒糖輸間廠。

一般散戶心態：

衍生工具等於賭錢，好易輸身家

買正股我唔放就唔輸，同佢鬥長命，總有一日升返

個股選擇

持倉由最高峰時的四十多隻減至七隻，集中化能令自己更易管理。然而，過度集中的壞處是很容易因為一兩隻個股洗倉而出現極大虧損。以11及12月為例，由於佔倉比超過5成的fintech牌塊大跌，短短兩個月間便虧掉近二十萬，sq upst sofi pypl均下跌超過4成。未來一年，應該不會再增添其他個股，即使出現很吸引的個股，也盡量控制在10檔以內，有餘錢便投入etf。

Etf指數基金

會透過現持個股配合Covered call產生的期權金慢慢購入納指或標普，與其花心神去跑贏大市，不如跟隨大市。早幾日看到以下評論「過往十年，美股大牛市，港股則一沉不起，但美股長期處於歷史高位，反觀港股已跌至低位，現時購入港股的風險很低。雖然長遠還是看好美股，但現時確實較有信心捕捉到港股的低位反彈。」這翻說話道出很多炒股多年仍是倒錢落海的原因，在一個下降的趨勢中捕捉反彈，或許可以數次成功買到平貨，但長期來看只要出場時機不好，總會輸返曬，因為長期總是向下，恒指十多年來仍無法升穿高位，真係值得搏反彈？當然港股仍有部份優質公司，如中電，但整個市場已被中央搞到一舊屎。與其用便宜的價錢買不值錢的東西，不如用一個合理的價錢買好東西。平野，永遠背後都有著佢唔值錢的原因。

恒指10年

標普十年

資產配置

比起注碼過度集中，資產配置失衡才是最大問題。即使買入100檔股票，也不算是有好好的資產配置，若遇上大回調，也是難以獨善其身，畢竟大部分個股跟大市有正向關係。應該持有部份負數關係的資產，例如長債，在大跌市時透過該負數關係資產的增幅減輕壓力（當然歷史上股債雙殺也是常有發生，但整體而言股票與長債應該是此消彼長的）。

六位數去七位數無想像中咁難，但七位數去八位數就相當遙不可及。十年財自之路已過了一年半，希望可以成功，投資股票市場，心態比技術更重要。

股災？年度回報再次出現負數

一個月內，年回報由15%跌至0%再變為-5%。若只看美股三大指數，回調的幅度很少，而自己個倉跌幅這樣誇張主因是重倉fintech所致，手上的sq upst sofi pypl由高位回落30至60%不等，直接令整個倉位出現極大虧損。

投資是看長期的，雖然在跌市時心情難免會影響，不過經歷過幾次後心靈慢慢會變得強大，避免高追低沽的情況。股市應該仍會持續下調一段時日，但自己並不打算time the market，不會沽清手上的股票。

Msft：「巨硬」之名已道出它的霸主地位，護城河之深數一數二。

Nvda ：元宇宙的受益者，逢低增持。

Amd：一併持有，作為nvda的對沖。

Sofi：現在的學生市場，將來這批學生投入社會，使用上的黏性會帶來無限潛力。

Pltr：人工智能及數據分析是不可抗逆的趨勢，在眾多的ai公司中揀選它的原因是政治因素。

Sq：最大持倉，買它是看好cash app。

Upst：增長雖然無法像上一季度那樣恐怖，但業績仍然亮麗。

Pypl：暫時全數沽清，原因並不是對它無信心，只是為了減去孖展，在手上的股票中選擇「相對」不看好的暫時放棄而已。沽清Pypl後孖展比率為0%，即使股市繼續下跌也没有所謂。

這次是年內第三次比較大型的回調，二月時曾經一個月內虧損廿餘萬，後來也慢慢回升，今次的跌市，也不會太擔心，每月出糧仍舊投入股市，不摸底，不估頂，定期投入是適合自己的方法。

 Apple vs Tesla

兩間最值得期待既公司，睇唔到有咩理由放棄其中一間。EM既Tesla就好似SJ時期既apple咁，代表既係創新，一種顛覆世界既力量，背後既價值係估計唔到的，正如當初SJ都估唔到iPhone 3GS可以咁好賣，產能遠遠追不上需求一樣，結果成就出Apple王國。

而TC之下既Apple，係一種遠見，產品明顯係無曬創新架喇，但佢就好明消費者需要啲咩，可以將一啲市場已有既野包裝成為你需要既野，然後擴大個市場，產生穩定既收入。

長線持有呢兩間公司，都可以算係一種平衡。既有無盡既可能性，亦有穩定既backup。