經常聽到投資朋友口中的一句「希望快啲股災，等我可以掃平貨」。
若果股災真的來臨，大跌50%以上，一次將自己過去幾年的利潤抹去，甚至蝕錢，又見住股票每都跌落去，蝕既錢愈來愈多，自己真係可以好似當日所講咁掃貨？人性話比我地知，呢種人多數都會高追低沽。投資市場邊有得估，咁易撈底就個個巴菲特啦。要成功，就要搵到可複製性，投機係可以賺大錢，但其他人係複製唔到既，相反長時間既價值投資再用月供既方式，就係一個傻得來又行之有效既財富增值方式。當然，買匯豐既就自求多福......
你問我想唔想股災來臨？我就一定唔想既。怕唔怕股災來臨？咁又唔怕，因為佢一定會來，只不過佢幾時來都好，都會應該按系統咁增持優質股，希望8年後可財務自由，FIRE!
幾多人嘅熱誠同潛質俾一份工磨滅？所做既每一個決定都係受制於份糧，有幾可係follow my heart?
當一個人達到財務自由，唔使再擔心生計，佢嘅人生先係真正開始，真正有自由去追夢做返自己想做嘅嘢。
如果到頭來都係營營役役中渡過一生，倒不如今天放手一搏。反正，生活在香港，仲有啲咩可以輸？
嘗試雖不一定成功，原地踏步百分之百會失敗告終。
睇完登勤兄對於FIRE既見解，當頭棒喝。財務自由，並不是要擁有很多很好的錢，只要「被動收入 >= 支出」便可。三十有一的自己，於一年前定下目標透過美股來追求財務自由，雖然不一定成功，但不嘗試便一定不會成功。身邊不少人對美股30%的股息稅望而生畏，我卻認為一點也不貴，就讓九年後的自己來再次評價這個貴與不貴的道理。
路途上有高山低谷，有黑不見光的恐懼。只有一樣是不可缺少，是信念。香港人，加油。
#fire #retire #finance #financialfreedom #Independence #sp500 #etf