2020年年度回顧：

1. 狠心將三年的港股全部售出，不旦輸了時間值，也虧了約三萬元。

2. 硬頸的性格，與金錢作對，拒絕一切中概股。$110左右購入迪士尼，睇好串流服務，但「花木蘭」一事令自己對迪士尼心淡，於是$130時便沽清，現價$180。睇好太陽能，$30左右購入CSIQ，後來發現背後老闆係中資，$40元沽清，現價$50。

3. 對於創新但無盈利公司，仍持樂觀態度。HYLN由高位下跌超過50%，待機會繼續增持。

4. 人生第一隻倍升股。EXPI，當時信心不足，只係水溫注，但已滿足。

5. 繼續追趕定下既目標，暫時2020目標完成。

 Apple vs Tesla

兩間最值得期待既公司，睇唔到有咩理由放棄其中一間。EM既Tesla就好似SJ時期既apple咁，代表既係創新，一種顛覆世界既力量，背後既價值係估計唔到的，正如當初SJ都估唔到iPhone 3GS可以咁好賣，產能遠遠追不上需求一樣，結果成就出Apple王國。

而TC之下既Apple，係一種遠見，產品明顯係無曬創新架喇，但佢就好明消費者需要啲咩，可以將一啲市場已有既野包裝成為你需要既野，然後擴大個市場，產生穩定既收入。

長線持有呢兩間公司，都可以算係一種平衡。既有無盡既可能性，亦有穩定既backup。

 慢、悶的確係apple既特點，但同時附帶穏既表現。每次tesla sq果堆前鋒跌到喊出黎果陣，都有apple頂住。

第四大倉，繼續持有。如果喬布斯仲在生，呢隻就一定係第一大倉而唔係第四大。

唔大諗頭，希望買apple夠賺部macbook 就夠🙏🏻

現價128

#美股 #apple 

成日望特價，到真係特價果陣，又唔敢入場，事後就話「早知果陣allin啦」。

長線投資既話，只要基本面不變，有錢就keep住入貨，十年後睇結果。

#美股  #tesla  #月供股票

 搵符合自己性格嘅投資節奏 ，先活得長久

玩咗三年，終於知自己唔適合 #港股 ，投資 #美股 先知呢個世界原來咁大