股災的生存之道

Stay invested

很簡單的道理，能做到的人很少。2020年2、3月股市暴跌，及後大幅反彈，到年末更屢創新高，不少人都說「早知果陣抄底啦、果時allin既話就發達喇」。如果用倒後鏡睇既話，人人都可以係股神。問題係身處股災之中，又有幾多人可以stay invested？我相信更多既人係妄想以價差征服股市波動，係妄想今。

睇返2022年，年頭開始就各種負面消息彈出，美股三大指數跌過不停，又開始聽到好多人話清倉，等股災完咗再買返。如果，我話如果，如果真係捉到高低位既，請分享比我知。

引用李聲揚既分享：在2020年疫情下，環球股市在2月21日起急瀉，一個月後的3月23日，在美國聯邦儲備局祭出「無限量化寬鬆政策（QE）」後見底，期間美股跌了35%，很誇張。見底後呢？三日就彈了兩成，當然很多人又不敢再追入。這是人之常情，看到反彈兩成再追，要很大的勇氣。 況且，當時很流行的說法是：印銀紙解決不了疫情，殺不了病毒，聯儲局又研發不了疫苗。所以反彈是「假象」云云。

最後即結果係點？今年，又到3月喇，係咪同兩年前好似？不論係2020年，還是2022年，如果你手持既係msft呢類優質企業，根本個市場所謂既種種負面消息都同佢既基本面無咩太大既關聯。所以，最簡單既方法係stay invested。呢段時間無點寫blog，並非對市場失去信心，而係無咩好做，哈哈，每個月按紀律月供就夠了。4月會升？會跌？只係知我要儲貨。

面對跌市的心態

雖然呢個月股票市場好動盪，甚至整個世界都係，但自己就近乎無做任何操作，亦都少睇咗好多財經新聞，只係睇下手上持股的財報結果便算。主要原因係工作上嚴重透支，尤其心靈上，每日都反問自己係咪應該辭職稍作休息，但一想到斷開收入流便卻步⋯⋯

有時問自己點解近乎all in落投資身上，答案都係果句，無非想自己唔駛為五斗米折腰，毋須為金錢而繼續做自己唔想做既工作。或者比多最後一年自己，如果都係做得咁唔開心，不如真係勇敢地辭職，轉換下環境，反正都係一個人，無咩負擔。

講返投資，手上最後一隻個股既財報都出咗，Sofi勝預期，距離賺錢不遠爾（希望）。戰爭雖可怕，但對於個別公司既影響卻微乎其微。今年大市整體開局十分差，科技股尤其出現不少腰斬，但問問自己: 五年後會唔會後悔今日無入貨？ 仍維持月供指數，that’s all，購錢的方法有好多，但能否成功，堅持係一個好重要既因素。