投資與運動

投資世界好大，只要係合理回報，任何人都可以揀一個自己舒服既方法。

好似運動，田徑為例：有人短跑，有人長跑，有人跨欄，我地無需要求短跑既人動軌跑上一兩小時，亦都無必要要求長跑既人練爆發力，亦唔需要跨高隻腳。可能跨欄同短跑有啲似，都係講求極限速度，但明顯都係不盡相同，你叫全盛時期既劉翔去跑100米可能都只係普通表現。投資何嘗唔係？有人鍾意技術分析，基本面對佢地來講無咩意義；有人鍾意價值投資，分析公司財務狀況，短線股價上落對佢地來講唔太重要。投資好緊要既一點係要知道自己適合邊一條路，搵到自己適合既方法，堅持去做，相信總會有成果的。相反，跌時就長揸呃自己價值投資，升少少就急急放驚佢跌返落去，結果只會左一巴右一巴。

今年局面極不穏，波幅都大咗好多，比以往兩年難好多。希望各位都可以挨過黎明前至撚黑暗既時刻，香港人加油。