Ivan Li李聲揚
［小奇蹟日］至於美股嘅，仲好笑。但，我都話，驚都冇撚驚過啦。有冇老點你？咁你話而家美期又跌緊嘅，另一回事啦。但，刁，明明個個都睇得一日半日，而家又忽然扮長線投資者？「我啲蘋果 迪十尼 JP Morgan仲升緊幾倍添」
1. 講到尾，我唔明點解仲係咁多人，覺得自己可以在個過山車之中左穿右插。得罪講句，你得嘅，你發咗達，係我跟你學嘢啦。但明明大家都試過，係知道唔得的。但偏偏仲係想做到呢樣嘢
2. 背後嘅心態我明嘅，因為想要「安全感」。都話 「人事每天多變更 誰亦盼望有一些預感廿」。但，「煩惱似春風秋雨，季節又似人生」 嘛
3. 好，講TVB太老土，講英文型啲。You want 英文I give you 英文，好好記住：
4. Uncertainty is the only certainty there is, and knowing how to live with insecurity is the only security
5. 確定？如果有確定，你就係拎緊10年美債嘅2厘息啦。
6. TLDR：納指熊市喎，咁我點？即時止蝕？定反手造淡？你一晚就輸6%啦。
7. 但認真，四樣嘢
8. 第一樣，我到而家都唔明，做乜啲友覺得啲股票，係要不停「睇住」的。你嘅工作一部份就冇計，你做KOL都冇計，或者你做勞蘇基金，咁明知冇用，但都要有個交代，呢啲都明。但自己投資嘅，做乜要「睇住」？你「睇住」又點？睇住佢點？你睇多幾下幫到烏克蘭集氣？定你覺得你睇多啲，決定就好啲？明顯地就唔係啦。甚至我敢話，你睇得越多，表現就越差。有實驗做過。我做手術成個月，一日可能只係望一次啲倉位。咁固然都會輸錢，但難道你睇多幾次，表現又會好過我？正如我呢排好多時十二點就訓，一樣訓得安心。
9. 第二樣，即係，你做學院派，講DCF DDM甚麼，discounted cashflow，個discount rate 大咗，所以加息，債息高咗（但，邊個話加息長債債息實升？火過當住係先），不利估值，完仕理解。所以你驚加息，有道理。
10. 我好想問一個好簡單嘅問題：俄羅斯打殘咗烏克蘭，歐美制裁甚麼。會重創俄羅斯經濟，我明（當然係咪應該跌50%呢，就……）。烏克蘭經濟重創，我都明。但，即係，以上種種，會唔會令蘋果賣少咗好多iPhone？定WalMart賣少咗嘢？就算會有成本影響（甚麼晶片撚原油撚嗰啲），咁既跌幅，乜都反映晒啦。所以，除咗啲Franz Ferdinand 等射核彈外，大家都知，只係氣氛，係咪？
11. 咁亦即係，絶大多數人，都係任人點，畀個市場牽住行的。即係，你話間公司前景唔掂，就好難搞。但只係情緒上落，就好簡單，因為無數咁多次都見到，實係greed and fear，鐘擺兩邊。咁你當然係唔好畀佢拉住走。
12. 當然有啲人話，「等市場定返先買」。市場定番，仲到你買？況且，點先叫定返？2020年3月，到而家，都仲日日死緊人，幾時「定返」，甚至有啲友話，「2008年只係靠印銀紙根本冇解決問題」，咁幾時先解決？
13. 無數咁多次都畀你見到，就梗係最唔「明朗」嗰時先最好機會買。但當然，講就易，嚇到櫃屎時，邊敢買？2020年3月我都唔敢，但呢排就敢（不過冇乜錢），咁所以好簡單，退而求其次，唔買，都唔好走去沽嘛。
14. 然後帶到第三點，一路好爭議嘅一點。但我依然覺得，止蝕多撚餘。
15. 都唔好講2020年3月嗰啲市況。就計星期四晚，我又走去止蝕？納指低位一日都彈返6%咁滯。你等於一日輸多咗6%。仲要分分鐘之後有排升。況且，你「止蝕」後，幾時入返市？又等「明朗」嗰時？普京好似七十未夠，習生都好似係。你想等到幾時先明朗？
16. 當然呢個「不止蝕」，絶對係反主流（但，主流is overrated啦，正如冇人覺得我搞個Patreon會成功），「咁有機會輸清喎」，係架，會架。但，我贏嘅夠多咪得。好多人就係有呢種奇怪嘅潔癖，覺得買股票不能輸錢。但你拍得拖就會遇到人渣的。
17. 況且，隻嘢，100蚊跌到80蚊，有人話「止蝕」。「但如果我20蚊買呢？」。菩堤本無樹，明鏡亦非台。根本冇撚蝕，何來有得止？
18. 呢度帶到另一個問題，做乜你咁多蝕要止？咪因為你舊年先仆去買。我啲嘢係再之前買落嘅，自然無蝕可止。好啦，咁你話，屌，知你巴撚閉啦早早買蘋果啦，咁但已過去的不可再，今天只可億起嘛。咁，幾時嚟多次低位畀你買？咪就係而家！
19. 取後一樣，「熊市」亦係多撚餘。我到而家，都唔係好知啲人講「熊市」，即係乜。當熬你問我，我就知。牛市即係江振誠，起雙飛，人頭馬一開好事自然來。二世古，懷石。熊市即係譚仔，你個黃面婆（或大肚腩老公），香蜜湖，橋咀島。
20. 但量化呢，哦，有人講「技術性熊市」，而我唔知有點「唔技術」嘅熊市。但OK，同情地理解，高位跌一成就調整，跌兩成就熊市嘛。都係一個名詞啫。
21. 但，你話我知熊市，哦，又如何？用途係乜？基木上係廢的。仲要我功力浮厚咋，換著啲小朋友，你害咗佢添
22. 此話何解？如果你證明到，原來「熊市」，跌完20%，之後就實會繼續跌，咁就好有用。但係咪事實？明顯唔係。咁即係跌完20%後，係繼續跌多，定彈返多？好似都冇人話你知（陣間話你知）
23. 好簡單，納指，屌，昨晚，咪熊市咯。掂一掂。高位跌咗20%。咁我點？又去「止蝕」？熊市喎。但就係掂一掂，即時就低位大反彈。證明呢啲訊息，害人不淺。
24. 好啦，你真係想知嘅，到底熊市後，再跌多，定反彈多？
25. 咁好簡單，一個好簡單嘅常識，但我發好多人係冇常識嘅：股市呢，係長升嘅。至少美股係。
26. 當然你要講Franz Ferdinand 嘅，慢慢。你可以日日去沽空美股的，發達話我知。
=====
重出江湖！Ivan Patreon 已經2000人訂！多謝大家！比別人知得多。subscribe now（bityl.co/9CyV） ，可以睇返晒以前嘅文。港美市場評點，專題號外，每日一圖，好文推介。每星期6篇，月費100． 畀年費仲有85折，
